دئوریم اوچون گوجلو بیر قوه اولاراق قادین لارین اؤفکه سینی سربست بوراخاق.
شاهناز گولامی
8 مارتین تاریخی 19-جی یوزایلین اورتانجی ایللرینه قاییدیر. 8 مارت 1857ده آمئریکادا کوماش اورئتیجیسی قادین ایشچیلری چالیشما شارتلرینین چوک زور اولدوقوندان دولایی موجادیلهیه قالخدیرلار. بو زامان اوزون چالیشما ساعات لئری و فابریکا دورومو دؤزولمز حاله گلمیشدیر. بو قادینلار ائو دیشیندا چالیشمالارین چتینلیکلرینه دؤزمکدن باشقا ائو ایچینده ارلرینه خادیمهچی خانیم اولاراق دا زور ایشلرین سوروملولوقونو اؤز عهده لرینه آلماق زوروندا قالمیشدیرلار.
دوشوک اوجرت و شیدتلی سؤمورقانلیک و آینی زاماندا هئرهانگی بیر ریفاه ایمکانلاریندا جدی ائکسیکلیغین اولماسیندان دولایی 8 مارت 1907 نیویورک تئکستیل ( نسساجی ) فابریکالاریندا قادین ایشچیلری سگیز ساعت ایش، داها یوکسئک اوجرئت، ایش شرایطینین یاخشیلاشماسی ، اوشاقلارین ایشلمهسینین یاساقلانماسی و اوی وئرمئک حاقینا مالیک اولماق ایستکلرینه وارماق اوچون یورویوش آکسیالارینا باشلادیرلار. آیریجا، 1910-دا کلارا زئتکین اولوسلار آراسی سوسیالیست قادینلار کونگرئسینده ، 8 مارتی دونیا قادینلار گونو اولاراق اونردی و کونگرئده قبول ائدیلدی.
داها سونرا قادینلارین موجادیلهسی نتیجهسینده آمئریکادا و بعضی آوروپا اولکه لئرینده بو گونو آنما تؤرنلری یاپیلدی. بو گونون کورسللشمه کونوسوندا اؤنئملی اولایلاردان بیری 1917 روسیانین پئتروگراد شهرینده قادین ایشچیلری چؤرک و باریش ایسته گیله اعتراض آکسیاسی کئچیرمهسی دیر کی دولایی سی ایلا روسیادا فئورال دئوریمینین باشلاتیجیسی اولدو.
آیریجا وورغولانمالیدیر کی، 8 مارت گونو، 1975جی ایلده آمئریکادا بیرلئشمیش میللئت لر تشکیلاتینین اوفیسینده و 1977جی اییلیندا یونئسکونون اوفیسینده اولوسلار آراسی قادینلار گونو اولاراک رسمی تانیندی. 8 مارت 1857 کاپیتالیسمین اینکیشافی نتیجهسینده ائو دیشیندا ایشلمک و ایستئحصالچی قوهیه چئوریلمه زوروندا قالان قادینلارین عدالتسیزلیگه قارشی مقاومتینی یانسیتیر.
<< قادینلارا ائدیلن آینی عدالتسیزلیکلر، دونیا قادینلارینی گوجلو و گئنیش اوردویا چئویریبدیر کی الدن وئره جک بیر شئیی یوخدور اما بیر دونیا قدر قازاناجاق ایستکلری وار. کادینلارا باسقی بیر کورسل کونودور و اونون کوکونو کسمک و اورتادان قالدیرماق اوچون موباریزهنین اینتئرناسیونالیست کاراکتئری اولمالیدیر. >>
تهران کوچهلرینده ساواشچی قادینلارا دستک اولاراق. سئکیز مارت کادینلار ایران-آفغانیستان 8 مارت تئشکیلاتی .
بو سببدن بیزده بو گونون کورسل اولماسینی آلقیشلاییریک و هر باهانا ایله بولگه سل لشمهسینه قارشی ییق.
قادینا باسقی بو گون کی دونیادا وار اولان سوسیال سیستئمین هر بیر هوجرهسینده (بؤلمهسینده) ایستر ایسلامچی گوجلرین هئگئمونلوقو آلتیندا، ایستر ایمپئریالیست حاکمیتلرین هئگئمونلوقو آلتیندا ایچ ایچهدیر. آنتی-قادین اولماق و قادین کؤله لیگی تارتیشماسی ، یوکسوللوک، اویوشتوروجو باغیملیلیغی، فحشاء ، جینسئل و ایرکچی آپارتاید، آز یاشلی اوشاقلارین ایشلمهسی، فیکری اسارئت، دین ساواشلاری، هولوکوست و سویقیریم سیاستلری و پیلانلاری هئر زامان کوره سل کاپیتالیست سیستئملرین طرفیندان اورتایا قویولوبدور و هر زامان یئنی فورماتدا یورودولور. چونکی قادینا باسقی کاپیتالیسم سیستئمینین آیریلماز حیسهسی حئسابلانیر.
سون ایللرده کاپیتالیسم آماجلارینا قوللوق ائدن لیبئرال فئمینیست دوشونجهلر اؤزللیکله گلیشمیش اؤلکهلرده قادین حرکاتینی سوسیالیسم و اینقیلابچی آنلامیندان بوشالتماقا چالیشمیشلار و اونون ایستراتئژیسینی بوروژوا اوفوکو (افق و ) اؤتئسینه کئچمهسینی اؤنلمیشلر.
ساغچی دوشونجهلر قادین حرکاتینی لیبئرال ائنتئلئکتول آیدین فیکیرلرین داییرهسینده محدودلاشدیرماق نیتیندهدیرلر و بو واسطه ایله ایشچی قادینلار و ائو قادینلارینین اویانیش حرکاتینی بوروژوا سیاستلرینی تعقیب ائتمهیه سوروکله ییرلر. قادین حرکاتی آکتیویستلری گرک قادینلارین سوسیالیستی ایستئراتئژی و پئرسفئکتیوینی آنلاشیلان تارزده (فرم دا ) بوتون تؤپلوما و اؤزللیکله ائشیتلیک ایستهین ایشچی و ائو قادینلارینا ساغلاییب و گؤسترهلر.
دونیا قادینلار گونو بیر گوندور کی بوتون آزادلیق سئوئن و ائشیتلیک ایستهین اینسانلار دونیانین هر یئرنیده اونو قوتلاماق اوچون چئشیتلی پروقلاملار دوزنلییرلر و چالیشیرلار کی اؤزگورلوک و ائشیتلیک ایستکلرینی کئچمیشدن داها دا گوجلو باغیرسینلار. اونلار دئوریمجی جوشقو و هیاجانی گئنل آلانلارا گتیرهرک یئنی موباریزهده الده اولونموش باشاریلاری بیرلیکده تجروبه ائدیرلر.
ائنتئلئکتئل و دئوریمجی قادینلار اؤز فیمینیستی بیلینجلریله بو حرکاتین سیرالاریندا موباریزه ائدیرلر. بو اؤنجوللر، دوغرو اولاراق جینسل باسقی و کیشی - قادینلارین سوسیال، ائکونومیک و سیاسی باخیمدان ائشیتلیگی اوغروندا موباریزهنین گرکلی اولدوغونو وورغولاییرلار و او یولدا آدیم آتیرلار.
بو گونده قادینلار اؤز اجتماعی و اینسانی کیملیکلرنی یئنیدن تعریف ائتمک ایستییرلر. آسلیندا بو کیملیگین گرچک تاریفی دئموکراتیک صینیف سل سیستئملر طرفیندن ارککسل تاریخ سورجینده گورونممهیه چالیشیلمیشدیر و ایندی کی زامندا دا داوام ائدیر. قادینلارین باسکیلارا معروز قالماسی؛ توپلومو امنیتی کونترول ائتمک اوزره بیر گوجلو قول (اهرم) کیمی قولانیلمیشدیر. وورغولامالی ییق کی سون 30 ایل بویونجا قادینلار بو رئژیمین ( ایران رئژیمینین ) ظولملرینین و میللته قارشی اولان؛ جینسل آپارتاید رئژیمینین ان چوخ باسقیسینی یوکلنمیشلر.
آما بوتون بو انگللئره راغمن، ایراندا قادین آکتیویستلرین ائولرینده چئشیتلی توپلانتیلار قورماق، سیویل قوروملار یاراتماق، اعتراض یوروشلری اولوشتورماق، ائشیتلیک ایستکلرینی چئشیتلی یوللارلا او جوملهدن قادینلارا آیری سئچگیلیک قانونلارینا اعتراض اولاراق 1 میلیون ایمضا کامپانیاسی کیمی پیلانلاری حایاتا کئچیرمکله اورتایا قویماق، قادینلارا قارشی هر تورلو آیریمجیلیغین اؤنلنمهسی کیمی کونوانسیونلارین ایراندا قانون قویان قوروملار طرفیندن رسمیته تانیماسینی ایلری سورمک کیمی چالیشمالاری؛ تمل آددیملار دیر کی فیمینیستی تئوریلرین توپلومون ان ایچ قاتلاریندا یاییلیب و گئنیشلنمهسینده آتیلیبدیر.
بو ایل قادینلار تام فرقلی شرایطده 8 مارتی قارشیلاییرلار. ایندی کی دورومدا توپلومدا اولان سیاسی و اجتماعی قوهلر کئیفی (کوالیته) دئییشیکلر ائدهرک ایراندا قادین حرکاتینین پوزیسیونون توپلومدا داها گوجلندیریرلر. شهر کوچهلرین جینسل آپارتاید رئژیم ایله؛ دؤیوش میدانینا چئویرن موباریز قادینلار آینی زاماندا اؤز موباریزهلرینین طالئعین اؤز اللریله تعیین ائتمهسینهده قادیردیرلر.
بو ایل 8 مارتدا، دونیا ایران توپلومونون سیاه دیکتاتورلوقون اسارتیندن آزادلیق ایله برابر بوتون اؤلکهده جینسل باسقینیندا آرادان قالدیریلماسی اوغروندا موباریزهیه شاهید اولاجاق. بو ایل ایراندا آنجاق پارکلاردا دئییل ، بوتون بویوک و کیچیک شهرلرین کوچهلری و میدانلاریندا 8 مارت گونون آنیلماسینا شاهید اولاجاییق. چون بو ایل ایران قادینلاری یوکسهلن بیر کوتلوی حرکات ایله یاناشی و بیرگه 8 مارتی قارشیلاییرلار.
بو گون قادینلارین یولو داها تهلوکهلی و بوروشوق بیر یولدو. بیر چوخلاری بو موجادیلهده توتوقلانمیش، یارالانمیش، دوستاقلانمیش و یا شهید اولموشلار. بو قادینلار آیدینجاسینا اولومه میدان اوخویورلار.
اونلار ایندی بیر اؤرنکه چئوریلمیشلر کی دونیا و اؤزللیک له اورتا-دؤغو قادینلارینا اومود قایناغی اولا بیلیرلر. بو قادینلار ائشسیز بیر چیزگیدیرلر کی ایراندا جینسل آپارتاید رئژیمینی زاوالا و اوچوروما دوغرو سوروکلهیهرک ، دئموکراسی و اینسانئ حاقلار حرکاتی ایله بیرگه دونیادا قادین حرکاتینا دا بویوک بیر تاریخسل ظفر قازانجلاری الده ائدهجکلر.
میللتین اؤزگورلشتیریجی حرکاتی و قادینلارین بو حرکاتدا ائشسیز رولو، مورتجع لری قورخویا سالیبدیر. بو سببدن ایرانین فاشیست رئژیمی اعدام، ایشکنجه و قورخو آتوموسفئری یاراتماقلا اؤز حدسیز و سینیرسیز وحشیلیگین گوسترمکدهدیر. بئلهلیکله ایسلام رئژیمی میللتین آزادلیق اوغروندا موباریزهسین بوتون ایمکانلارینی قوللاناراق سوسدورماقا چالیشیر.
رئژیم فیزیکی باسقیدان علاوه پسیکولوژیک باسقیداندا قوللانیر بئله کی ماحمود احمدینئژادین جومهور باشقانی اعلان ائتمه تؤرنی اؤنجهسی بیر نئچه توتوقلانانلاری ایشکنجه و حدهله مکله یالان اعترافلار وئرمهیه مجبور ائدیلمیشلر.
<< بعضی اؤنده گئدن تانینمیش رئفورمچو لیدئرلرین باسقیا معروز قالماسی (سرکوب) ، آرخادا مینلرجه تانینمامیش سیاسی محبوسون ائوین و کهریزک کیمی قورخونج حبسخانالاردا دهشتلی ایشکنجهسیندن خبر وئریر. بو محبوسلارین بیر سیراسی اعتراف ائتمکدن اؤنجه ایشکنجه آلتیندا جان وئریرلر و اونلارین آدی باتی مئدیاسیندا سسلنمیر.!
دونیا میللتلرینین ایران توپلومونون موباریزهسینی گئنیش آلاندا دستکلمهسی گؤستریر کی آزاد و عدالتلی توپلومون یارانماسینا دؤغرو موباریزه بوتون دونیا میللتلرینین ایستییدیر و بو چوخونلوق قئیری کاپیتالیست سیستئملی بیر دونیا یاراتماق ایستییرلر. >>
ایران-آفغانیستان 8 مارت کادینلار تئشکیلاتی . 15.08.2009
بو گون ایران قادینلاری کوچهلرده کی موباریزهلر ، اؤیرنجی حرکاتی، راپورت یازماق، ایشکنجه- تئررور-زیندان و .. عاید خبرلری مئدیادا یایماق کیمی ایشلرده آکتیو ایشتیراک ائتمکله ائشیتلیک و دئموکراتیک ایستکلر اوغروندا حرکاتین ایلریلمهسینده اؤنملی و ائتگیلی رول اویناییرلار.
8 مارت قادین تشکیلاتی درگیسینین 20 جی ساییسیندا “ نیه قادینلار موباریزهنین اؤن سیراسیندادیرلار ؟ “ باشلیقلی یازیسیندا بئله دئییلیر :
<< شاشیرتیجیدیر اما ایناناق !
سون آیلاردا سوکاکلاردا (خیاوان) قیزلارین آزادلیق اوغروندا دؤیوشمهلرینه ایناناق !
او قیزلار کی گؤزلرینین اؤفکهسی ایسلام جومهوریتینین تمللرینی اودا چکمکدهدیر !
او قیزلار کی چانتالاری ( کیفلری) دولو داشلا کوچهلره گلیرلر و ایسلام اوردوسونون آلچاق و دوشوک امنیت قوهلری ایله (بسیج ، سیپاه و ... ) ووروشارکن اولا بیلسین گئجه ائولرینه دؤنه بیلمهسینلر.
او قیزلار کی سنگر دوزلتیرلر و میللته لیدئرلیک ائتمک ایستییرلر. او قیزلاری مئدیالاردا یایینلانان فوتولاری دونیا میللتلرینین اوریینده جسارت و قورخمامازلیق توخومو اکدیر. قورخماز ایگیتلر کی چوخلو پروتئستو ائدنلری شاشیردیلار و اینانمایانلاری حیرته گتیردیرلر. توپلوم حالا اونلاردان گئریدهدیر. حله میللته آیدین دئییل کی اونلار اؤنجوللردیرلر.
بونلار اؤفکهلی اوی (ری) وئرنلر دئییللر. بونلار ایسلام جومهوریتینین عوصیانجی کؤلهلریدیرلر.
اما نیه بونلارین رئژیمه قارشی دویغولاری بؤیله آلوولودور؟ نیه اؤزل بیر نفرت دویغوسو ایله بو سیستئمه قارشی دؤیوشورلر؟
چونکو بو سیستئمین اؤزل کؤلهلریدیرلر. ایسلام جومهوریتی؛ قادینلاری کؤلهلرین کؤلهسی ائدیبدیر و اونلاری تامام ظولملر و کوتولوکلره معروز قالان نوقطهیه چئویریبدیر. آیری صینیفلارا اولان ظولوملرین هامیسی بونلارا بیر یئرده اولونور.
قیراغا چکیلین و یولو قادینلار اوچون آچین.
شاشیرتیجیدیر اما اینانین !
بونلار اسارت، ایرتیجا و ائشیتسیزلیک سیستئمینه قارشی سورکلی عوصیان ائدنلردیرلار. بونلار گلمیشلر بو سیستئمین چوروموش دیرلری، گئرییه قالمیش عنعنهلری و عدالتسیز اجتماعی ایلیشگیلرینی داش قالاق ائتسینلر و اونون اوزرینده قادین و کیشی آراسیندا اینسانا اویغون اجتماعی ایلیشگیلر اولان اؤزگور دوشونجهلی توپلوم تیکسینلر. بونلار توپلومون آزادلیق بایراقین داشییرلار. >>
میللت؛ یولوندا دوولت قوهلری طرفیندن یارانان انگهلره راغمن؛ کوچهلردن ائوه قاییتماق ایستمیر. اونلار هر گون رئژیمین سایسیز حسابسیز باسقیلاری و عدالتسیزلیگینه قارشی اعتراضا؛ سئببلری وارلاریدیر.
قادینلار آزادلیق اوغوروندا موباریزهده اؤن سیرالاردا یئر آلماقلا پراقماتیک اولاراق جینسل آپارتاید و قادینا قارشی دینی عنعنهلری؛ سورقو سوالا چکهرک زور دورومدا قویموشلار، چون بو قوهلرین اساس سیاسی و اجتماعی پروقراملاری قادینلارین کولهلیگی و آشاغیلیقیدیر.
ارتجاعی و آنتی-قادین رئژیم سون 30 ایل سورجینده آتا ارکیل ( مردسالار) ایلیشگیلری داها گوجلندیرمکده چالیشمیشدیر. تاریخسل تجروبه بو آجی گرچیین گؤستریجیسیدیر کی قادینلار آزادلیق حرکاتیندا گئنیش ایشتیراکلارینا باخمایاراق داییما اؤنم سنمه میشلر و اونلارین ائشیتلیک ایستکلری گؤز آردینا قویولموشدور.
باخمایاراق کی ، سون بیر نئچه آی سورجینده یاپی دئییشن گلیشمهلر اؤلکهنین باشا باشیندا دئموکراتیک حرکاتین گلیشمهسی و درینلشمهسینه سبب اولوبدور، آنجاق بو قورخو واردیر کی قادینلارین؛ بیله ان ایلکین طلبلری کامو (اومومی) حرکاتین اورتاسیندا اونودولسون. چونکی قادینلارین چوخو باغیمسیزلیغا وارماق اوچون هانسی یوللاردان کئچمک گرکیر؟ سوروسو کونسودا یئترلی بیلیگییه مالیک دئییرلر.
حاضیر کی دورومدا قادین حرکاتینین حایاتینین داوامیندا ان اؤنملی اولان قونو بودور کی قادینلار اؤز موباریزهلرین اورقانیزاسیون حالینه گتیرمهلیدیرلر. چونکو ایندی کی دورومدا حرکاتا حاکم اولان کیشیسل (آتا ارکیل) آتوموسفئر قادینلارین طلبلری و جینسل آیری سئچلیگی کونوسونا قئیدسیزدیر.
بو گون قادینلار گرک تمل طلبلرینین الده اولونماسینین آردینجا اولسونلار. بو طلبلرین بیر بؤلومونو بؤیله گتیریله بیلیر :
• بوتون دونیا قادین حرکاتی آکتیویستلری بو کونونو نظره آلمالیدیرلار کی لیبئراللار و کاپیتالیستلره دؤغرو هرهانسی یاخینلیق ، قادین حرکاتینا دوزلتیلمز ضربهلر وورموش و وورا بیلر.
• هر تورلو جینسل، ائکونومیک، دینی، ائتنیک و میللی آیری-سئچگیلیکدن اوزاق بیر توپلوما وارماق اوغروندا موباریزه ائتمک.
• فاندامئنتال دینچی سؤیلمین هژئمونلوقون توپلومدا ایبتال ائتمهیه چالیشماق.
• آنتی-قادین قانونلار و ایسلامی جزا قانونلارینی تام قئید شرطسیز شکیلده توپلومدان، عآییلهدن، ائیتیم و ایدمان اورتاملاریندان ایبتال ائتمک.
• قادینلارا قارشی هرهانکی بیر آیریمجیلیغین اؤنلنمهسی سؤزلشمهسینه قاتیلماق؛ چون کی کورئسئل بیر آنلاشمادیر.
• آتا ارکیل ( کیشیسل = مردسالار ) و آنتی-قادین دوشونجهلره قارشی سورکلی شکیلده میدیالار، ایش یئرلری و ائیتیم آلانلاریندا موباریزه ائتمک.
• قادینلارا ارککلرله ائشیت ایشه ائشیت اوجرت اؤدنمهسی و ائشیت فیرصاتلار یاراتماق.
• میللی ( ایسلامی فیمیزم تئوریسیینلرین ) و اولوسال دوزیده گئریجی گوجلرین حیلهلرین آچیقلاماق . اونلار چالیشیرلار کی بو حرکاتین گوجونو ضای ائتمک له باسقیجی اقتدار سیستئمین یاپیسینی آز دئییشیکله ساغلاسینلار.
• دئموکراتیک بیر توپلومون یارادیلماسینا چالیشماق، کی اوندا دئموکراتیک ایلکهلر تام شکیلده ساغلانمیش اولسون.
• سئکولار بیر حاکمیتی اؤلوشدورماق و دینی تام شکیلده حکومتدن آییرماق. دینی کی سون 30 ایلده یازیلمیش و یازیلمامیش قانونلارلا قادینلاری کؤلهلرین کؤلهسی ائتمیش.
• سؤز ، فیکیر و سربست توپلاشما آزادلیقی حاقینی الده ائتمهیه چالیشماق.
• باغیمسیز پارتیلار، ن .جی. و-لار و درنکلر یاراتماق آزادلیقی
• سیاسی محبوسلارین قئید-شرطسیز آزادلیغی
• اعدام ، داش قالاغ و قیصاص کیمی قانونلارین ایبتال اولماسی
• کئچن 30 ایلده و سون زامانلاردا اینسالیض دیشیندا اولان طرزده جینایتلری آزادلیق یولوندا موباریزلره قارشی تؤرهدن یؤنتمنلرین محکمهیه وئریلمهسی.
• تجاووز، حبس، زینجیری قتیللر، اعداملار و ایشکئنجه قوربانلارینین عآیله لرینین هرهانکی بیر تمل حاقلارینین ساغلانماسی.
8 مارت تام ایشکنجه ، تجاووز و دوستاقا قارشی موباریزه ائدن اینسانلارا آیدیر.
تامام او اینسانلارا آیدیر کی 30 ایل ظولم حاکمییتیندن و دینی فاشیزمین الیندن جانا گلمیشلر و جینسل آیریمجیلیقا قارشیدیرلار.
8 مارت او اینسانلارا آییدیر کی جینسل ائشیتسیزلییه نیفرت ائدیرلر و اورکلری نیدا و ترانه کیمی چیچکلرین سولماسیندان آغری ییر.
30 ایل اسارت و کؤلهلیک یئتر، ایزین وئرین قادینلار بو زینجیرلری قیریب بوتون اینسانلاری آزاد ائتسینلر.
ایزین وئریلسین دئویریم اوچون بیر گوجلو قوه اولاراق قادینلار اؤفکهلرین بوراخسینلار.
8 مارت باشقا حرکتلری قادین حرکتلریله بیرلشتیرمک اوچون بیر اویغون فیرصاتدیر. اومود کی بو گون، ایرانلی قادینلارا بویوک اولوسال دایانیشا گونو اولسون.
شاهناز گولامی
03.03.2010
-----------------------------------------------------------------------------------
نوشته هایی ازشهناز غلامي
گزارش دفاع دردادگاه انقلاب اسلامي تبريز"
هزِينه سنگين ملت تورک آذربايجان در رسيدن به برابری زبانی، فرهنگی و اقتصادی
گزارش بازداشت های گسترده ی فعالین جنبش دانشجویی درآذربایجان
اعتصاب و تحصن در بازار تبريز و يادآوري چند نكته مهم
قاتلینی به نام پلیس ، جان باختن «قادر صدیقی» فعال آذربایجانی در نهم خرداد ۱۳۸۷ + تصاویر و اسناد
عدم رعایت قوانين مربوط به "منع شكنجه" درارتباط با زندانيان سياسي آذربايجان
..............
..............